Endamálið er at geva einstaka næminginum møguleika at ogna sær kunnleika,
fimi, arbeiðshættir og málbering, soleiðis at hann gerst sjálvstøðugur í heimi og samfelagi
Dentur verður lagdur á at skapa líkindi fyri uppliving og virkishugi, soleiðis
at næmingurin verður vandur at arbeiða sjálvstøðugt, og soleiðis kann virka
og búnast til sín sjálvs og til teir møguleikar, sum eru í samfelagsskipanini.
Næmingarnir styrkja sítt sjálvsálit - gerast búnir -
ogna sær góðar arbeiðsvanar - menna samstarvsevnini.
Tað verður væntað av næminginum
- at hann samstarvar væl við lærarar, næmingar og starvsfólk annars
- at hann er tollyntur og hevur positivan hugburð
- at hann tekur ábyrgd av egnari skúlagongd og møtir væl til ásettu tíðirnar
- at honum dámar at arbeiða øðrvísi og tekur við nýggjum avbjóðingum í sjálvstøðugum arbeiði
Vanligi 10.: Skúlaárið er lagt tilrættis, soleiðis sum vanligt hevur verið
Eitt málsligt toymi: føroyskt, danskt, enskt og týskt
Eitt støddfrøðitoymi: støddfrøði og alisfrøði
Við skúlaárslok er møguleiki at taka 10.floks próvtøku - munnliga/skrivliga
Afturat ein......útbygd skipan:
Miðnámslinjur:
Málslig linja - føroyskt/enskt - Í samstarvi við Studentaskúlan verður frálæta
givin einum næmingabólki, her dentur verður lagdur á at menna málsligu
fatanina, soleiðis at næmingar gerast meiri vandir ið ta arbeiðsgongd, ið kravd
verður í miðnámsskúlunum.
Støddfrøðilinja - støddfrøði/alisfrøði/evnafrøði - Somuleiðis í samstarvi við
Studentaskúlan fáa hesir næmingar frálæru á fyrsta árs miðnámsstøði.
Húsarhaldslinja - seyming/matgerð - í samstarv við Húsarhaldsdkúlan í Klaksvík
Sit-linja - træ/el/jarn - Samstarv við Tekniska Skúla í Klaksvík. Næmingar, við
áhuga fyri tekniskari útbúgving, kunnu menna seg fakliga, so lættari verður at fara víðari.
Umframt hesar lærugreinamøguleikar eru vanligir lærugreinabólkar.
Somuleiðis ein tónleikalinja og ein miðlalinja.
Eisini er gott samstarv við 10.flokk í Fuglafjarða Skúla
Seymi-, horn-, foto-, trygdar- og fyrstuhjálparskeið
Skeiðini eru mennandi, stuttlig og lærurík - skapa møguleika at arbeiða sjálvstøðugt.
Eitt skeið, næmingarnir síggja fram til, er fyrstuhjálparskeiðið
- tað setur lívsins álvarsemi í størri heildarhøpi, har samstarv, ábyrgd og álit verða
tvinnað saman. Næmingarnir fáa handað prógv eftir lokið skeið.
